(Daawo Sawirro) Dowladaha Somalia & Itoobiya oo qalinka ku duugay heshiis Is-afgarad .

0
Saturday March 30, 2019 - 13:44:30 in Wararka by Super Admin
  • Visits: 24
  • (Rating 0.0/5 Stars) Total Votes: 0
  • 0 0
  • Share via Social Media

    (Daawo Sawirro) Dowladaha Somalia & Itoobiya oo qalinka ku duugay heshiis Is-afgarad .

    Kulan ay yeesheen Wasiirka Xanaanada Xoolaha, Dhirta iyo Daaqa ee Xukuumadda Federalka. Soomaaliya Xuseen Maxamuud Sheekh Xuseen iyo Wasiirka Beeraha Itoobiya Mudane Cumar Xuseen, laguna qabtay magaalada Addis Ababa taariikhdu markeey ahayd 28 Maa

    Share on Twitter Share on facebook Share on Digg Share on Stumbleupon Share on Delicious Share on Google Plus

Kulan ay yeesheen Wasiirka Xanaanada Xoolaha, Dhirta iyo Daaqa ee Xukuumadda Federalka. Soomaaliya Xuseen Maxamuud Sheekh Xuseen iyo Wasiirka Beeraha Itoobiya Mudane Cumar Xuseen, laguna qabtay magaalada Addis Ababa taariikhdu markeey ahayd 28 Maarso 2019-ka ayaa lagu kala saxiixday heshiis Is-Afgarad (MoU) oo ku saabsan iskaashiga iyo ka wada shaqeeynta arrimaha caafimaadka xoolaha, Suuq geynta iyo horumarinta bulshada xoolo dhaqatada ah ee ku nool labada dal.

Waxaa kulanka labada wasiir ka horeeyay Shir Muddo Seddex maalmood ah uga socday Magaalada Addis Ababa Khubaro ka kala socday labada wasaaradood ee dowladda Federaalka ee Soomaliya iyo Dowladda federaalka Itoobiya Loogana wadaa hadlaayay Sidii labada dowladood iskaga kaashan lahaayeen arrimaha caafimaadka Xoolaha iyo Ka hortagga Cudurada Xoolaha , iyo diyaarinta Heshiiska is afgarad Kaasoo ay siwadajir ah usoo qaban qaabiyeen Urur goboleedka IGAD hay’adda u qaabilsan dhinaca Horumarinta Xoolaha iyo reer guuraaga iyo Hay’adda caalamiga ah Ee USAID oo Dowladda Maraykanka u qaabishan Maalgashiga Horumarinta dhaqaalaha aduunka waxaana shirka lagu gunaanaday saxiixa heshiiska labada wasiir

Ugu dambeyn labada wasiir ayaa soo saaray Warmurtiyeed dhowr qodob ka kooban :-

1- Anagoo ah Wasiirada X. Xoolaha ee Dawladaha Soomaaliya iyo Ethiopia mas’uulna ka ah arrimaha Xoolaha Iyo Xoolo dhaqatada, waxaan maanta oo ay taariikhdu tahay 28-da Maarso, 2019-ka ku kala saxiixanay heshiis is afgarad is kaashi (MOU) oo lagu hormarinayo loogana wada shaqeeynayo arrimaha caafimaadka Xoolaha, ka hortagga cudurada faafa, suuqgeeynta xoolaha iyo Horumarinta bulshada Xoolaha dhaqatada ee ku dhaqan labada dhinaca ee Xuduuda u dhaxeeysa labada dal.

2- Anagoo dib u egeeyna hab-siyaasadeedkii caafimaadka xoolaha (Policy Framework on Animal Health "RPFAH”) oo ay wada saxiixdeen Wasiirada Xanaanada Xoolaha ee Waddamada xubnaha  ka ah  Urur Goboleedka IGAD sanadkii 2009-kii,  kasoo ku saabsanaa xal u helidda dhibaatooyinka ka jira ganacsiga xoolah iyo  nuglaanshaha  caafimaadka iyo suuqgeeynta xoolaha ee Gobolka ayaa la isla qaatay in cudurada ku dhaca xoolaha iyo awood yarida ganacsatada xoolaha ay yihiin caqabado halis ah ee hor tagan ganacsiga xoolaha abuurana nuglanshaha, waxaana la go’aansaday in si wada jir ah Gobolka oo mideeysan xal loogu raadiyo wax ka qabshada caqbadaha arrimahaas.

3- Anagoo aqoonsan baahida loo qabo in si xoog leh loogu howl galo sidii loo hagaajin lahaa arrimaha caafimaadka xoolaha iyo faya qabkooda (Sanitary measure) si loo fududeeyo bad qabka iyo Kordhinta  ganacsiga Dhoofka Xoolaha iyo dhiiri gelinta nolosha bulshada.

4- Anagoo qirsan caqabadaha ay wajahaan bulshada xoolo dhaqatada (Pastoral Communities), Gancsatada xoolaha iyo kuwa bixiya shaqada caafimaadka xoolaha ee labada dhinac ee bulshada ku nool xuduuda labada wadan isla markaasna si qoto dheer hoos ugu eegeeyna sida ay labada dalba uga go’antahay xal u helidda caqabadahaas loona hormarin lahaa ganacsiga Dhoofka xoolaha.

Waxaa naga Go’an in:-

Dhaqaala u raadinta haddii ay noqon lahayd wadamadeena gudahooda (Soomaaliya iyo Ethiopia) ama aan la kaashano IGAD iyo deeq bixiyayaasha sidii loo maalgelin lahaa shaqooyinka kala duwan ee ku qeexan heshiiska isafagardaka labada dal (MoU) iyo qabyo qoraalka habka dhaqan gelinta ee loogu tala galay sidii loo fulin lahaa qodabada heshiiska kaasoo loo asteeyey ansixintiisa 15-ka April  2019-ka.

Xigasho: SONNA





Leave a comment

  Tip

  Tip

  Tip

  Tip

  Tip